രാജീവ്ഗാന്ധിക്ക് ബോഫോര്സ് ആയിരുന്നെങ്കിൽ സോണിയഗാന്ധിക്ക് നാഷണൽ ഹെറാള്‍ഡ്. കൂടെ സുബ്രമണ്യം സ്വാമിയും.

അന്ന് 2G കേസിൽ എ.രാജയും കനിമൊഴിയും ജയിലിൽ പോയപ്പോൾ സുബ്രമണ്യം സ്വാമി പറഞ്ഞിരുന്നു അടുത്ത നമ്പർ സോണിഗാന്ധിയുടെ ആണെന്ന് അതിനിടയിൽ ജയലളിതക്കും കിട്ടി പണി.

നെഹ്‌റു കുടുംബം എന്ന സംരക്ഷണവലയം ഭേദിക്കാൻ ആർക്കെങ്കിലും കഴിയുമെന്നു സോണിയജി വിചാരിച്ചിട്ടുണ്ടാവില്ല!

പക്ഷെ ഇത് സുബ്രമണ്യം സ്വാമിയാണ്. ഇന്ത്യയിലെ യഥാർത്ഥ അഴിമതി വിരുദ്ധ പോരാളി, ഒറ്റയാൾ പട്ടാളം. അപ്പോൾ കണ്ടവനെ അപ്പാന്നു വിളിക്കുന്ന അഴിമതി പോരാളി കേജ്രിവാളിന്റെ പോലത്തെ ജെനുസ് അല്ല എന്നർത്ഥം.

 

ഒരിക്കൽ ഒരു അഭിമുഖത്തിൽ എന്താണ് ഇത്തരം കേസുകളിൽ സ്വാമിയുടെ വിജയ രഹസ്യം എന്ന ചോദ്യത്തിന് സ്വാമി മറുപടി പറഞ്ഞിരുന്നു 'എന്റെ വക്കീലന്മാരെ സ്വാധീനിക്കാൻ ആർക്കും പറ്റില്ല എന്നതാണ് എന്റെ വിജയ രഹസ്യം, കാരണം ഞാൻ തന്നെ ആണ് എന്റെ വക്കീൽ!

ഈ നാഷണൽ ഹെറാള്‍ഡ് കേസിലെ ലൈൻ അപ്പ് തന്നെ ഇങ്ങനെ:
കബിൽ സിബൽ + മനു അഭിഷേക് സിംഗ്വി + തിവാരി + റാവൽ + ബണ്ടാരി + ചീമ + ഗുപ്ത + സരീൻ + രാംജേത്മലാനി v/s സുബ്രമണ്യം സ്വാമി !!

പിന്നെ ഒരു കുഴപ്പം ഉള്ളത്, ഒറ്റയാൾ പട്ടാളം ആയതിന്റെ പരിമിധി ആണ്, ചില അഴിമതിക്കാരെ തിരഞ്ഞു പിടിച്ചാണ് ആക്ക്രമണം. മറ്റേതെങ്കിലും വിധത്തിൽ തൻറെ ശത്രുത സമ്പാതിക്കുന്നവർ ആണ് ഇരകൾ. പക്ഷെ നല്ല ഉറച്ച തെളിവുകൾ ഉണ്ടെങ്കിലെ യുദ്ധം തുടങ്ങൂ. തുടങ്ങിക്കഴിഞ്ഞാൽ പിന്നെ മിക്കവാറും എതിരാളിയെ ജയിലിൽ കേറ്റിയെ അടങ്ങൂ. സാധാരണ തമിഴ് രാഷ്ട്രീയത്തിലെ പ്രമുഖർ ആണ് ആ ലിസ്റ്റിൽ പെടാറുള്ളൂ. സംസ്ഥാനത്തിന് പുറത്തു ആ ഭാഗ്യം കിട്ടിയിരിക്കുന്നത് സോണിയ ഗാന്ധിക്കാണ്.

വിഷകന്യ എന്നാണു സോണിയയെ സ്വാമി തൻറെ ട്വീടുകളിൽ വിശേഷിപ്പിക്കാറുള്ളത് എന്ന് കൂടി അറിയുമ്പോൾ മനസിലാക്കാം സ്വാമിക്ക് അവരോടുള്ള വെറുപ്പിന്റെ ആഴം. അത് തന്നെ ആണ് മാഡത്തിനെയും അവരുടെ സ്തുതിപാഠക വൃന്ദങ്ങളെയും വെറിളി പിടിപ്പിക്കുന്നത്, ആ മരണ വെപ്രാളമാണ് പാർലമെന്റിൽ കാണുന്നത്.

എന്തായാലും മാഡത്തിന്റെ കാര്യം പോക്ക് തന്നെ. കാരണം മോഡി വിചാരിച്ചാൽ പോലും ഒരുപക്ഷെ സ്വാമി പിന്മാറി എന്ന് വരില്ല. ജി.എസ്.ടി ബിൽ പാസ്സാക്കുനതിനേക്കാൾ പ്രധാനം ഈ കേസുമായി മുന്നോട്ടു പോകുന്നതാണെന്ന് സ്വാമി പറഞ്ഞതിന്റെ അർഥം മറ്റൊന്നല്ല.

തീഹാർ ജയിലിൽ  തനിക്കുള്ള കാരാഗൃഹത്തിന്റെ ഇരുമ്പ് വാതിൽ തുറക്കുന്ന ശബ്ദം സോണിയയുടെ ചെവിയിൽ മുഴങ്ങി തുടങ്ങിയിട്ടുണ്ടാവണം!