ബിജെപിയുടെ ഏഷ്യാനെറ്റ് ബഹിഷ്കരണവും മലയാളിയുടെ രാഷ്ട്രീയപ്രബുദ്ധതയും.

കേന്ദ്രത്തിലെ ബിജെപി സർക്കാരിനെക്കുറിച് കള്ളം പറഞ്ഞും സത്യം പറയാതിരുന്നും മാനേജ്മെന്റിന്റെ ബിജെപി വിരുദ്ധത വാർത്തകളിലൂടെ നിരന്തരം കാണിക്കാൻ തുടങ്ങിയ ഏഷ്യനെറ്റിനെ ബിജെപി ബഹിഷ്ക്കരിക്കാനുണ്ടായ സാഹചര്യം ആണ് ഈ പോസ്റ്റിനാധാരം.

കേരളത്തിന്റെ ഒരു പ്രത്യേക 'രാഷ്ട്രീയ പ്രബുദ്ധത'  വച്ച് നോക്കുമ്പോൾ നമുക്ക് പറ്റിയ ന്യൂസ്‌ ചാനൽ തന്നെയാണ്‌ ഏഷ്യാനെറ്റ്‌.

10 വർഷത്തെ UPA ദുർഭരണത്തിൽ മനം മടുത്തു ഇന്ത്യ മുഴുവൻ കോണ്‍ഗ്രസിനെ തൂത്തെറിഞ്ഞപ്പോൾ അവർക്ക് ഇന്ത്യയിൽ തന്നെ ഏറ്റവും മികച്ച റിസൾട്ട്‌ കൊടുത്തത് കേരളമാണെന്ന് ഓർക്കുക

1977 ൽ നടന്ന തിരഞ്ഞെടുപ്പിൽ അടിയന്തിരാവസ്ഥ വിരുദ്ധ തരംഗത്തിൽ ഇന്ദിരാഗാന്ധിയും കോണ്‍ഗ്രസ്സും ഇന്ത്യയൊട്ടാകെ തോറ്റുതുന്നം പാടിയപോഴും കേരളത്തിലെ റിസൾട്ട്‌ തിരിച്ചായിരുന്നുവെന്നും ഓർക്കുക.

UP യും Bihar ഉം പോലുള്ള പിന്നോക്ക സംസ്ഥാനങ്ങൾ പോലും സംസ്ഥാന നിയമസഭയിലേക്ക് പ്രാദേശിക പാർട്ടികളെയും ലോക്സഭയിലേക്കു ദേശിയ പാർട്ടികളെയും പിന്തുണക്കുക എന്ന രാഷ്ട്രീയ വിവേചന ബോധം കാണിക്കുമ്പോൾ ഇവിടെ 100 % സാക്ഷരതയുള്ള, വലിയ രാഷ്ട്രീയ പ്രബുദ്ധർ എന്ന് അഭിമാനം കൊള്ളുന്ന കേരളത്തിൽ നിയമസഭ എന്നോ ലോകസഭ എന്നോ ഒരു വ്യത്യസവുമില്ലാതെ UDF നും LDF നും മാറി മാറി വോട്ടു ചെയ്യുന്നു. ഇവിടെ പൊരിഞ്ഞ പ്രചാരണ യുദ്ധം നടത്തി അങ്ങ് ലോക്സഭയിലെത്തിയാൽ ഒരുമിച്ചിരുന്നു ഭരിക്കുന്നതൊന്നും ഇവിടെ ഒരു പ്രശ്നമല്ല. പാർലമെന്റിൽ ഒന്നിച്ചിരുന്നു ഭരിക്കാനായിരുന്നുവെങ്കിൽ പിന്നെ കേരളത്തിൽ ഒരു തിരഞ്ഞെടുപ്പ് മാമാങ്കം നടത്തി പൊതുമുതൽ ധൂർത്തടിക്കേണ്ട കാര്യമെന്തായിരുന്നു എന്ന ചോദ്യം ഈ രാഷ്ട്രീയ പ്രബുദ്ധരിൽ നിന്ന് ഉയർന്നു കണ്ടിട്ടില്ല ഇതുവരെ.      

അപ്പോൾ പിന്നെ ഭാരതം മുഴുവനും, ലോകം തന്നെയും പ്രശംസിക്കുകയും പ്രതീക്ഷയോടെ ഉറ്റു നോക്കുകയും ചെയ്യുന്ന പ്രധാനമന്ത്രിയെ ഒരു പട്ടാള അട്ടിമറിയിലുടെ അധികാരത്തിൽ വന്ന ഒരു നേതാവിനോടെന്നപോലെ പെരുമാറുന്ന ഏഷ്യാനെറ്റ്‌ ന്യൂസ്‌ നെ  മാത്രം കുറ്റം പറഞ്ഞിട്ടെന്ത് കാര്യം.
ഓരോ ജനതക്കും അവർക്കർഹിക്കുന്ന ഭരണാധികാരികളെയാണ് ലഭിക്കുക എന്ന് പറയുന്ന പോലെയാണ് ചാനലുകളുടെയും കാര്യം. അങ്ങനെ നോക്കുമ്പോൾ കേരളത്തിലെ ഒന്നാം നമ്പർ വാർത്താചാനലായ ഏഷ്യാനെറ്റ് ഇങ്ങനെയായതിൽ അത്ഭുതപ്പെടേണ്ടതില്ല.  

YATHA RAJA TATHA PRAJA (यथा राजा तथा प्रजा) എന്ന് പറഞ്ഞ പോലെ Yatha Praja Tatha ‘channel’ അത്രേയുള്ളൂ.